ललितपुरको प्रशिक्षकमा हुमागाई नियुक्त

काठमाडौं- आगामी बैसाख ११ गते सुरु हुने पहिलो फ्रेन्चाइज फुटबल नेपाल सुपर लिग (एनएसएल) को क्लब ललितपुर सिटीले प्रदीप हुमागाईंलाई मुख्य प्रशिक्षकमा नियुक्त गरेको छ।

ललितपुरले आज काठमाडौंमा एक कार्यक्रम गर्दै हुमागाईंलाई हेड कोचमा नियुक्त गरेको हो।

उनले ए डिभिजन क्लब थ्रि स्टारमा प्रशिक्षण गराइसकेका छन्। ललितपुरले यसअघि नै मार्की खेलाडीका रुपमा अन्जन विष्टलाई अनुबन्ध गरिसकेको छ। साथै गत शुक्रबार सम्पन्न अक्सनबाट पनि उसले १४ खेलाडी छनोट गरिसकेको छ।

अक्सनमा सबैभन्दा धेरै १२ लाख १५ हजार खर्च गरेको ललितपुरले उत्कृष्ट खेलाडी भित्र्याएको छ। उसले एरिक विष्टलाई सर्वाधिक दुई लाखमा भित्र्याएको थियो।

ललितपुको टिममा विनोद गुरुङ (२० हजार), कमल श्रेष्ठ (एक लाख २० हजार), प्रवेश दनुवार (एक लाख २० हजार), मिक्छेन तामाङ (एक लाख २० हजार), नविन लामा (७५ हजार), विमल राना (एक लाख २० हजार), रोहित कार्की (२० हजार), संन्यज योन्जन लामा (२० हजार), रन्जन विस्ट (५० हजार), निरोज बस्नेत (७५ हजार), पासाङ लामा (एक लाख), गौरव बुढाथोकी (७५ हजार), अर्पण कार्की (एक लाख) लगायतका खेलाडी छन्।

ललिपुरले शुक्रबार सम्पन्न अक्सनमा ३ लाख ३५ हजार मात्र पर्स रकम राखेको थियो।

अब उसले दुई लोकल खेलाडी र तीन विदेशी खेलाडी अनुबन्ध गर्न बाँकी छ।