बेञ्जिमाको दोहोरो गोलमा रियलको जित

काठमाडौं – स्पेनिस ला लिगाअन्तर्गत शनिबार रातिको खेलमा रियल मड्रिडले जित निकालेको छ। 

सेल्टा भिगोको मैदानमा सम्पन्न खेलमा पाहुना टिम रियलले घरेलु टिमविरुद्ध ३–१ गोलको जित निकालेको हो।

जितका लागि करिम बेञ्जिमाले दुई र मार्को एसेन्सियाले एक गोल गरे। 

बेञ्जिमाले खेलको २० औं र ३० औं मिनेटमा गोल गर्दै रियललाई दुई गोलको अग्रता दिलाएका थिए। तर, ४० औं मिनेटमा सेल्टाका सान्ठी मिनाले गोल गर्दै खेलमा फर्कन चाहे।

डिफेन्स लाइनमा बलियो बनेको रियलले सेल्टालाई बाँकी अवसर प्रदान नगर्दा सेल्टाले गोल गर्न सकेन। बरु इन्ज्युरी समयमा रियलकै एसेन्सियोले गोल गर्दै खेललाई ३–१ गोलअन्तरमा पुर्‍याए।

यो जितसँगै ला लिगामा दोस्रो स्थानको रियलको ६० अंक छ। एक खेल हातमा रहेको एथ्लेटिको मड्रिड ६३ अंकका साथ शीर्षस्थानमा छ। त्यस्तै तेस्रो स्थानको बार्सिलोनाको ६० अंक छ।

पराजित सेल्टा भिगो भने ३४ अंकका साथ ११ औं स्थानमा छ।