आइ ब्रेनः विज्ञान प्रविधिलाई नै चुनौती 

आइ ब्रेन विज्ञान र प्रविधिलाई चुनौती दिने एक उपकरण हो । यसको सिधा सम्र्पक मानिसको दिमाग र तरगसँग हुन्छ । स्यान डिएगामा रहेको न्युरो भिजिल टिमले यसको आविष्कार गरेको हो । 

यो उपकरणले दिमागमा चलेका तरंग सोचको प्रभावलाई बाहिर ल्याउन मद्दत गर्दछ । यो परियोजनालाई अन्तिम रुप दिन फिलिप लो र उनको साथीहरूको टिमले काम गरिरहेको छ । 

यसको प्रयोगात्मक परिक्षणका लागि स्टेफन हकिङलाई अनुबन्धित गरिएको थियो । तर, केहीसमय अघि भएको हकिङको मृत्युले केही अन्यौलता थपेको छ । 

हकिङले यस उपकरणको डिजानको लागि सहयोग गर्दै आएका थिए । विशेषतः उनी जस्तै अपाङगता भएका व्यक्तिलाई लक्षित गरी यो उपकरण निर्माण गर्न लागिएको न्युरो भिजिल टीमले जनाएको छ । 

कसरी काम गर्छ ?

यसको कामका लागि हकिङ नै प्रयोग गरिएको थियो । उनलाई कुनै आकृति सोच्न लगाएको थियो । जस्तै किः यदि उनलाई कुनै बलको आकृति सोच्न लगाइन्छ । जुन आकृति सोच्दा मष्तिस्क भित्र न्युरोन्समा आउने परिवर्तनलाई आई ब्रेनले रेकर्ड गर्छ ।
 
यो परिवर्तनले मतिष्कको निश्चित क्षेत्रबाट रेकर्ड गरेको हुन्छ । त्यस पछि, आई ब्रेनभित्र रहेको ‘अल्गोरिथम’ अनुसार आकृतिको सिर्जना हुन्छ । 

यसरी कसैको कल्पनाको विषयलाई वास्तविकतामा उतार्न र वास्तविकतामा कति सम्भव छ भनेर आँकलन गर्न यो उपकरण सबैको व्यग्र प्रतिक्षामा छ । अब उपकरणको परीक्षणको लागि एएलएस सँग सहकार्य हुने भएको छ । एएलएसमा रोगीलाई लक्षित गरी बनाइएको यो उपकरण फाइदाजनक र उपयोगी छनै, चुनौती पनि धेरै छ । 

यस उपकरणको माध्यमबाट आर्टिजम, ‘स्लिप एप्रिया’ (सुत्दा स्वास अवरोध हुने) र डिप्रेसनका बिरामीहरूको मष्तिस्कमा भई रहेको हालचाल बारे पत्ता लगाउन सकिनेछ । यस कारण पनि, यी बिरामीहरूको लागि यो उपकरण लाभदायक रहेको छ ।  

सन् २००९ मा, न्युरो भिजिलले औषधीको हाफमन अला रोचेको अनुमतिमा आइ ब्रेनको परीक्षण गरिएको थियो । तर, कम्पनीले उक्त परीक्षणको कुनै जानकारी सार्वजनकि गरेको छैन ।