वेर्नर चम्किँदा युक्रेनविरुद्ध जर्मनीको सहज जित

नेसन्स लिग अन्तर्गत शनिबार राति सम्पन्न खेलमा जर्मनीले सहज जित निकालेको छ।

घरेलु मैदनमा सम्पन्न खेलमा जर्मनीले युक्रेनविरुद्ध ३–१ गोल अन्तरको जित निकालेको हो।

जर्मनीका फरवार्ड वेर्नरले दुई गोल गरे भने लिरोय सानेले एक गोल गरे। एक गोलले पछि परेको अवस्थामा, खेलको २३ औं मिनेटमा गोल गर्दै सानेले जर्मनीका तर्फबाट गोल गर्दै खेललाई बराबरीमा ल्याएका थिए।

त्यसको १० मिनेट नबित्दै वेर्नले अग्रता खोसेका थिए। वेर्नरको गोलसँगै पहिलो हाफमा जर्मनी २–१ गोलले अघि रह्यो।

दोस्रो हाफमा पनि जर्मनीले अर्को गोल स्कोर गर्यो। ६४ औं मिनेटमा वेर्नरले नै गोलपोस्टमा प्रहार गरे। यससँगै जर्मनी ३–१  जित निकाल्न सफल रह्यो।

लिग एको समूह चारमा जर्मनी शीर्षस्थानमा छ। उसले ९ अंक बनाएको छ भने दोस्रो स्थानमा स्पेनको ८ अंक छ। अब फाइनलको यात्राका लागि बाँकी एक खेल पर्खनु पर्ने भएको छ।

नेसन्स लिग अन्तर्गत नै शनिबार राति सम्पन्न खेलमा साइप्रसले लग्जम्बर्गलाई हराएको छ भने एन्डोराविरुद्ध माल्टाले जित निकालेको छ।