विश्वकप छनोटमा अर्जेन्टिना र पराग्वेको बराबरी

काठमाडौं- विश्वकप छनोट अन्तर्गत बिहीबार राति सम्पन्न खेलमा अर्जेन्टिनाले पराग्वेसँग बराबरी खेलेको छ। 

अर्जेन्टिनाको मैदान ला बुम्बोनेरामा सम्पन्न खेलमा दुवै टिमले १–१ गोलको बराबरी खेल्दै अंक बाँडेका हुन्।

खेलको २१ औं मिनेटमा पराग्वेका एन्जेल रोमेरोले पेनाल्टीमार्फत् गोल गर्दै टिमलाई सुरुवाती अग्रता दिलाएका थिए। 

तर पहिलो हाफकै ४१ औं मिनेटमा अर्जेन्टिनाका निकोलस गोन्जाले गोल गर्दै खेललाई बराबरीमा ल्याए।

दोस्रो हाफमा दुवै टिमले गोल गर्न नसकेपछि खेल बराबरीमा रोकिएको हो। बराबरी बाबजुद अर्जेन्टिना तीन खेलबाट ७ अंकका साथ समूहको शीर्षस्थानमा छ।

त्यस्तै समान तीन खेल खेलेको पराग्वे पाँच अंकका साथ चौथो स्थानमा छ। 

कतारमा सन् २०२२ मा हुने विश्वकपका लागि १० राष्ट्र सम्मिलित समूहमा ब्राजिल २ खेलबाट ६ अंकका साथ दोस्रो स्थानमा छ भने इक्वेडर तेस्रो स्थानमा छ।