पाँच देशका ६ कप्तानको एउटा खेल 

काठमाडौं– एउटा खेलमा दुईजना कप्तान हुनुपर्ने हो। तर आजको आईपीएल म्याचमा केही फरक देखिएको छ।

विश्वकै सर्वाधिक महँगो टी–२० क्रिकेट इन्डियन प्रिमियर लिग (आईपीएल) अन्तर्गत आज भइरहेको खेलमा छ जना कप्तानको उपस्थिति छ।

दिल्ली क्यापिटलका कप्तान हुन् श्रेयस अयर। त्यस्तै रविचन्द्र अश्विन किंग्स इलेवन पञ्जाबका पूर्वकप्तान हुन्। अश्विनले क्लबलाई गति दिन नसकेपछि उनले दुई वर्षअघि मात्र पञ्जाब छोडेर दिल्ली ज्वाइन गरेका हुन्।

यता सनराइजर्स हैदरबादका डेबिड वार्नर क्लबकै मौजुदा कप्तान हुन् भने उनले अष्ट्रेलियाका टिमबाट पनि लामो समय कप्तानी सम्हालिसकेका छन्।

हैदराबादसँग अन्य देशका टिमको कप्तानको पनि कमी छैन। अफगानिस्तान, वेस्ट इन्डिज र न्युजिल्यान्डका कप्तान हैदराबादको टिममा छन्।

राशिद खान, र जेसन होल्डर क्रमशः अफगानिस्तान र वेस्ट इन्डिजका टेस्ट कप्तान हुन् भने केन विलियम्सन न्युजिल्यान्डको सबै फर्म्याटको क्रिकेटका कप्तान हुन्।

दुवै टिमका जम्मा छ कप्तान पाँच देखका हुन्। रविचन्द्र अश्विन र श्रेयर अयर भारतका हुन् भने अन्य खेलाडी छुट्टाछुट्टै देशका हुन्।