रियल मड्रिडका इडेन हजार्ड र कासिमेरोलाई कोरोना संक्रमण

काठमाडौं- स्पेनिस क्लब रियल मड्रिडका फरवार्ड इडेन हजार्डलाई कोरोना संक्रमण भएको छ।

हजार्डसँगै डिफेन्सिभ मिडफिल्डर कासिमेरोलाई पनि कोरोना पुष्टि भएको क्लबले बताएको छ।

स्पेनिस ला लिगामा भोलि राति रियल मड्रिडले बलियो प्रतिस्पर्धी भ्यालेन्सियाको समान गर्दैछ। शीर्षस्थानमा पुग्न र पकड बनाउनका लागि उसलाई यो जित अनिवार्य जस्तै छ।

यस्तो अवस्थामा पछिल्लो समय फर्ममा रहेका हजार्डलाई कोरोना पुष्टि भएको हो। हजार्डले ला लिगाको पछिल्लो खेलमा ह्वेस्काविरुद्ध सुरुवाती गोल गरेका थिए।

रियलले सिजनका सात खेलमै एक हार बेहोरिसकेको छ। उसले पाँच जित र एक बराबरीका साथ १६ अंक बनाएको छ।

रियल सोसिडाडले एक अंकले पछि पारेको अवस्थामा उसलाई शीर्षस्थानमा पकड बनाइराख्न धेरै अंक आवश्यक छ।

हजार्ड र कासिमेरालाई कोरोना देखिए पनि अन्य खेलाडी र प्रशिक्षकको रिपार्ट नेगेटिभ आएको छ। संक्रमित दुवै जना सेल्फ आइसोलेसनमा छन् भने बाँकी खेलाडी आगामी खेलका लागि उपलब्ध हुनेछन्।