ग्यारेथको निर्णायक गोलमा टोटनहमको जित

काठमाडौं- ग्यारेथ बेलको निर्णायक गोलमा टोटनहम विजयी भएको छ। इंग्लिस प्रिमियर लिगको आइतबार राति भएको खेलमा बेलले निर्णायक गोलले टोटनहम ब्राइटनमाथि २-१ गोलले विजयी भएको हो।

खेलको १३औं मिनेटमा ह्‌यारी केनले गोल गर्दै घरेलु टोली टोटनहमलाई अग्रता दिलाएका थिए। उनले पेनाल्टीमा गोल गर्दै पहिलो हाफमा टोटनहमलाई १-० को अग्रता दिलाएका हुन्।

दोस्रो हाफमा दुवै टोलीले एक-एक गोल गरेका थिए। खेलको ५६औं मिनेटमा टरिक्यु लाम्पटीले गोल गर्दै खेल बराबरीमा ल्याएका हुन्। उनले ग्राबोको पासमा गोल गर्दै खेल ११ को बरारबीमा ल्याएका थिए। तर, दोस्रो हाफमा मैदान छिरेका बेलले निर्णायक गोल गरेका थिए।

स्पेनिस क्लब रियल मड्रिडबाट यसै सिजन बेल टोटनहम पुगेका हुन्। 

जितसँगै टोटनहम सात खेलबाट १४ अंक जोड्दै तालिकाको दोस्रो स्थानमा उक्लिएको छ। समान खेल खेलेको ब्राइटन भने पाँच अंक जोड्दै १६औं स्थानमा छ।