ईपीएलमा दोस्रो स्थानको एभर्टनको दोस्रो हार

काठमाडौं– इंग्लिस प्रिमियर लिग (ईपीएल) अन्तर्गत आइतबार राति सम्पन्न खेलमा एभर्टनले दोस्रो हार बेहोरेको छ।

न्युकासलको घरेलु मैदानमा सम्पन्न खेलमा पाहुना टोली एभर्टनले २–१ गोलको हार बेहोरेको हो।

जितका लागि न्युकासलका क्यालम विल्सनले दुई गोल गरे भने एभर्टनका जोमिनिक क्यालभर्ट लनले इन्ज्युरी समयमा सान्त्वना गोल गरे।

पहिलो हाफ गोलरहित बरबारीमा रोकिएकाले सबै गोल दोस्रो हाफमा सम्भव भएको थियो। प्रतिस्पर्धात्मक खेलमा उत्कृष्ट प्रदर्शन गर्दै आएको एभर्टनले जित निकाल्न भने सकेन।

जितसहित न्युकासलले ७ खेलबाट ११ अंक बनाएको छ भने एभर्टन १३ अंकका साथ दोस्रो स्थानमा छ। हारसँगै एभर्टन तेस्रो स्थानमा ओर्लेको छ। 

आइतबार राति नै सम्पन्न अर्को खेलमा साउथह्याम्टनले एस्टोन भिल्लाई ४–३ गोलअन्तरले हराएको छ। साउथह्याम्टनले अंकतालिकामा १३ अंक बनाएको छ भने एस्टोन भिल्लाको १२ अंक छ।