आईपीएलबाट बाहिरियो पञ्जाब

काठमाडौं- अन्तिम खेलसम्म प्लेअफको दाबेदार रहेको किंग्स इलाभेन पञ्जाब चेन्नई सुपर किंग्ससँग हार बेहोर्दै इन्डियन प्रिमियर लिग (आईपीएल) बाट बाहिरिएको छ।

अबुधाबीमा सम्पन्न खेलमा चेन्नईसँग ९ विकेटको हार बेहोर्दै पञ्जाब आईपीएलबाट बाहिरिएको हो।

टस हारेर ब्याटिङमा आएको पञ्जाबले पुरा ओभरमा ६ विकेट गुमाएर १५३ रन बनाएको थियो। १५४ रनको लक्ष्यका साथ मैदान पसेको पञ्जाबले १८.५ ओभर खेल्दै मात्र एक विकेटको क्षतिमा लक्ष्य पुरा गर्‍यो।

जितका लागि फाफ डू प्लेसिसले ४८ रन बनाए। त्यस्तै, रितुराज गायक्वडले अविजित ६२ रनको अर्धसतकीय पारी खेले भने अम्बाती रायडू ३० मा बनाएर अविजित रहे।

पञ्जाबका क्रिस जोर्डले एक विकेट लिए।

त्यसअघि ब्याटिङमा आएको पञ्जाबका दीपक हुडाले अविजित ६२ रन बनाए भने कप्तान केएल राहुल २९ रनमा आउट भए। राहुलसँगै ५२ रनको साझेदारी गरेका मयंक अग्रवाल २६ रनमा आउट भए।

जारी आईपीएलमा केएल राहुल र मयंग अग्रवालले सबैभन्दा धेरै ६६६ रनको साझेदारी गरेका छन्।

त्यस्तै पञ्जाबका लागि क्रिस गेलले १२ रन बनाए भने मन्दिप सिंहले १४ रन जोडे।

चेन्नईका लुंगी निगिदीले तीन विकेट लिए भने श्रदुर्ल ठाकुर, इमरान ताहिर र रविन्द्र जाडेजाले एक एक विकेट लिए।

जितसहित प्रतियाेगिताबाट बाहिरिसकेको चेन्नईले १२ अंक जोडेको छ भने पञ्जाब पनि १२ अंकमा स्तब्ध भएको छ। याेसँगै प्रतियोगिताबाट बाहिरिने तीन टिमको समान १२ अंक हुने भएको छ।

आजको दोस्रो खेलमा राजस्थान रोयल्सले कोलकत्ता नाइट राइडर्ससँग प्रतिस्पर्धा गर्दैछ।