आईपीएल : हैदराबादसँग राजस्थान ८ विकेटले पराजित

यूएईमा जारी आईपीएल २०२० को ४० औं खेलमा राजस्थान रोयल्सलाई सनराइजर्स हैदराबादले ८ विकेटले पराजित गरेको छ। 

जितका लागि १५५ रनको लक्ष्य पछ्याएको हैदराबादले १८.१ ओभरमा २ विकेटको क्षतिमा लक्ष्य पूरा गरेको थियो। हैदराबादको जितमा मनिष पान्डे ४७ बलमा ४ चौका र ८ छक्कासहित ८३ रनमा अविजित रहे। विजय शंकर ५१ बलमा ६ चौकासहित ५२ रनमा अविजित रहे।

त्यसअघि दुबई इन्टरनेशनल क्रिकेट स्टेडियममा टस हारेर ब्याटिङ थालेको राजस्थानले निर्धारित २० ओभरमा ६ विकेटको क्षतिमा १५४ बनाएको थियो। राजस्थानले पहिलो विकेट चौथो ओभरको तेस्रो बलमा गुमाएको थियो। 

राजस्थानले अब आइतबार मुम्बई इन्डियन्ससँग खेल्ने छ। त्यसैगरी हैदराबादले शनिबार किंग्स इलेभेन पन्जाबसँग खेल्ने छ।

दिल्ली क्यापिटल्स १० खेलमा ७ मा जित र ३ मा हारसहित १४ अंकका साथ शीर्षस्थानमा छ। बेंगलोर १० खेलमा ७ मा जित र ३ मा हार सहित १४ अंक भए पनि नेट रनरेटको आधारमा दोस्रो स्थानमा छ।

मुम्बई ९ खेलमा ६ मा जित र ३ मा हार सहित तेस्रो स्थानमा छ। चेन्नई सुपर किंग्स १० खेलमा ७ मा हार र ३ मा जित सहित पुछारमा छ।