युभेन्टसबाट सारी बर्खास्त, नयाँ प्रशिक्षकमा आन्द्रे

इटाली- इटालियन लिग विजेता क्लब युभेन्टसले प्रशिक्षक माउसिजो सारीलाई बर्खास्त गर्दै नयाँ प्रशिक्षक नियुक्त गरेको छ।

युभेन्टसले सारीलाई एक सिजनमै बर्खास्त गर्दै नयाँ प्रशिक्षकका रुपमा शनिबार आन्द्रे पिर्लोलाई नियुक्त गरेको हो।

क्लबले घरेलु लिग जितेको भए तापनि कोप्पा इटालियाको फाइनलमा नापोलीसँग हार बेहोरेको थियो भने च्याम्पियन्स लिगको अन्तिम १६ मा लायोनलाई जित्न सकेको थिएन।

यसका साथै बर्खास्त भएका सारीपछि युभेन्टसका प्रशिक्षकमा पूर्व मिडफिल्डर दुई सिजनका लागि पिर्लो नियुक्त भएका हुन। ४१ वर्षे नवप्रशिक्षक, युभेन्टसकै यू–२३ का प्रशिक्षक हुन्। उनी गत जुलाईमा मात्र युभेन्टस फर्किएका थिए।

उनलाई सिनियर टिममा बढुवा गर्दै युभेन्टसले भनेको छ, ‘पिर्लोप्रतिको विश्वासका आधारमा हामीले उनलाई सिनियर टिमको प्रशिक्षकको रुपमा बढुवा गरेका हौँ।’

सन् २०११ बाट २०१५ सम्म युभेन्टसबाट खेलेका पिर्लोले क्लबका तर्फबाट १९ गोल गरेका थिए। साथै उनले चार सिरी ए, एक कोपा इटालिया र दुई इटायिन सुपर कप जितेका छन्।

सन् २००६ मा इटालिले विश्वकप जित्दा उनी सोही टिमका खेलाडी थिए। उनले सन् २०१७ मा खेलाडी जिवनबाट संन्यास लिएका थिए। बीबीसी