रोमालाई हराउँदै सेभिया क्वार्टरफाइनलमा

पराजय भोगेसँगै रोमा लिगको अन्तिम १६ बाट बाहिरिएको छ। त्यस्तै विजेता सेभियाले भने अन्तिम ८ (क्वार्टरफाइनल)मा प्रवेश पाएको छ। जितका लागि सर्जियो रेगुइलोन र योउसेफ इन नेस्रीले गोल गरे।

नेपाल समय | शुक्रबार, साउन २३, २०७७

नेपाल समय

शुक्रबार, साउन २३, २०७७

काठमाडौं– युरोपा लिग अन्तर्गत गएराति सम्पन्न खेलमा इटालियन क्लब रोमा सेभियासँग पराजित भएको छ। जर्मनीको एमएसभी रंगशालामा सम्पन्न खेलमा सेभिया २–० गोल अन्तरले पराजित भएको हो।

खेलको २१ औं मिनेटमा गोल गर्दै रेगुइलोनले क्लबलाई सुरुवाती अग्रता दिलाए। त्यस्तै ४४ औं मिनेटमा नेस्यरीले गोल गरेपछि पहिलो हाफमै सेभिया २ गोलले अघि रह्यो। तर दोस्रो हाफमा दुवै टोलीले गोल गर्न नसकेपछि खेलमा सेभिया विजयी बन्यो।

यता पराजित रोमाका गियन्लुका मन्सिनी दोस्रो हाफको अतिरिक्त समयमा रातो कार्ड खाँदै बाहिरिएका थिए।

सेभियले क्वार्टरफाइनल खेलमा इंग्लिस क्लब वुल्भ्ससँग प्रतिस्पर्धा गर्नेछ।