इंग्ल्यान्डले जित्यो एकदिवसीय सिरिज

साउथह्याम्टन– आयरल्यान्डसँग तीन शृंखलाको एक दिवसीय क्रिकेट प्रतियोगिताको लगातार दुई खेलमा जित निकाल्दै इंग्ल्यान्डले सिरिज जितेको छ। उसले दोस्रो खेलमा आयरल्यान्डलाई ४ विकेटले हराउँदै सिरिज कब्जा गरेको हो।

टस जितेर ब्याटिङ रोजेको आयरल्यान्डले पूरा ५० ओभर खेल्दै ९ विकेटको क्षतिमा २१२ रन जोडेको थियो। जवाफी ब्याटिङमा आएको इंग्ल्यान्डले ३२.३ ओभर खेल्दै ६ विकेटको क्षतिमा २१६ रन बनाएपछि सिरिज जित्यो।

प्हिलो इनिङमा कर्टिस क्याम्परले ६८ रनको अर्धसतकिय इनिङ खेले। त्यस्तै, हेरी टेकरले २८, सिमी सिंहले २५ र एन्डी म्याकब्रिनले २४ रनको योगदान दिए। यसबाहेक अन्य खेलाडीले सम्झनलायक प्रदर्शन गर्न सकेनन्।

यता इंग्ल्यान्डकन अदिल रशिदले तीन विकेट लिए। दुई विकेट लिनेमा शकिव महम्मोद र डेविड विले रहे।

जवाफी ब्याटिङमा आएको इंग्ल्यान्डका जोनी ब्रिस्टवले ८२ रनको अर्धसतकिय पारी खेले। त्यस्तै विले र साम बिलिङले क्रमशः अविजित ४७ र ४६ रन बनाए।

फिल्डिङमा खटिएका जोस लिटल, क्याम्पर र योङले क्रमशः ३, २ र १ विकेट लिए। पहिलो खेल इंग्ल्यान्डले ६ विकेटले जितेको थियो। शृंखलाअन्तर्गत अन्तिम खेल अगामी ४ तारिकमा हुनेछ।

–ईएसपीएन क्रिकइन्फो