सीपीएल खेल्न सन्दीप वेस्ट इन्डिज जाँदै

काठमाडौं– नेपाली राष्ट्रिय क्रिकेट टोलीका लेग स्पिनर सन्दीप लामिछाने टी–२० क्रिकेट प्रतियोगिता अन्तर्गतको क्यारेबियन प्रिमियर लिग (सीपीएल) खेल्न आयोजक देश क्यारेबियन जाने भएका छन्।

अमेरिकी एम्बेस्सीले चार्टर गरेको कोरियन एयरलाइन्सको विमानबाट उनी बिहीबार त्यसतर्फ प्रस्थान गर्ने उनको व्यवस्थापक रमन सिवाकोटीले बताएका छन्।

नेपालबाट भदौ १ गतेअघि अन्तर्राष्ट्रिय उडान बन्द रहेका कारण उनले सीपीएल खेल्न पाउने/नपाउनेमा अन्योल थियो। तर, अब उनी सीपीएलको योजनाअनुरुप अगस्त १ सम्ममा उनी वेस्ट इन्डिज पुग्नेछन्।

सन्दीप क्यारेबियन प्रिमियर लिगमा जमैका तलाबाहजमा अनुबन्धन भएका छन्। उनी एक करोड ५६ लाख रुपैयाँमा क्लबमा अनुबन्दित भएका थिए। उनले यसअघि पनि दुई सिजनको सीपीएल खेलिसकेका छन्।

क्यारेबियन प्रिमियर लिग आउँदो अगस्त १८ बाट सुरु हुँदैछ। सन्दीप आउँदो सिजनको सीपीएल खेल्ने एकमात्र नेपाली खेलाडीसमेत हुन्।

सीपीएलमा जानका लागि सन्दीपले हिजो(मंगलबार) सानेपाको स्टार अस्पतालमा कोरोना परीक्षण गराएका थिए। परीक्षणको रिपोर्ट आज आउने छ।