ईपीएलमा म्यानचेस्टर सिटीको सानदार जित

एजेन्सी– इंग्लिस प्रिमियर लिग (ईपीएल) अन्तर्गत गएराति सम्पन्न खेलमा म्यानचेस्टर सिटीले वाटफोर्डविरुद्ध सानदार जित निकालेको छ। वाटफोर्डको मैदानमा सम्पन्न खेलमा सिटीले ४–० गोल अन्तरको जित निकालेको हो।

जितका लागि रहिम स्टार्लिङले २ गोल गर्दा फाइल फोडेन र एमरिक लापार्तेले १–१ गोल गरे। खेलको ३१ औं मिनेटमा गोल गर्दै स्टार्लिङले सुरुवाती अग्रता बनाएका थिए। उनले वालकरको पासमा गोल गरेका थिए।

त्यस्तै खेलको ४०औं मिनेटमा पेनाल्टीमा पाएको अवसर सदुपयोग गर्न नसकेका स्टार्लिङले सोही मिनेटमा दोस्रो गोल गर्दै अग्रतालाई दोब्बर बनाए। उनको गोलसँगै सिटी पहिलो हाफमा २ गोलले अघि रह्यो।

दोस्रो हाफमा पनि सिटीले २ गोल थप्यो। फोडेनलले ६३ औं मिनेटमा गोल गरे भने डी ब्रुनको पासलाई सदुपयोग गर्दै लापोर्तेले ६६ औं मिनेटमा गोल गरे। यता घरेलु टिमले अन्तिमसम्म गोल गर्न नसकेपछि खेल ४–० गोल अन्तरमा सिटीले जित्यो।

जिसहित अंकतालिकामा सिटीको ७८ अंक भएको छ। उसले अन्तिम एक खेल बाँकी रहँदा ७८ अंक बनाएको हो। परातिज वाटफोर्ड भने ३४ अंकका साथ १८ औं अर्थात् रेलिगेसन जोनमा छ।

गएराति नै सम्पन्न अर्को खेलमा आर्सनलले एस्टोन भिल्लाको मैदानमा घरेलु टिमसँग १–० गोलको साँघुरो हार बेहोरेको छ। अंकतालिकामा आर्सनल ५३ अंकका साथ १० औं स्थानमा छ भने एस्टोन भिल्ला १७ औं स्थानमा छ।