गणेशमान सिंह बक्सिङ प्रतियोगिता रद्द

वीर गणेशमान सिंह स्मृति राष्ट्रिय बक्सिङ प्रतियोगिता रद्द भएको छ।

नेपाल समय | मंगलबार, साउन ६, २०७७

नेपाल समय

मंगलबार, साउन ६, २०७७

काठमाडौं– वीर गणेशमान सिंह स्मृति राष्ट्रिय बक्सिङ प्रतियोगिता रद्द भएको छ। गणेशमान सिंह फाउन्डेसनको स्पोर्टस कमिटीले मंगलबार सूचना जारी गर्दै प्रतियोगिता रद्द भएको जनाएको हो।

प्रतियोगिता चैत १८ देखि २२ सम्म हुने कार्यतालिका थियो। कोरोना भाइरस संक्रमण जोखिमका कारण प्रतियोगिता आयोजना हुन नसकेपछि कमिटीले उपयुक्त समयमा गर्ने जनाउँदै आएको थियो। कमिटीले अहिले आएर प्रतियोगिता रद्द गरेको हो।

प्रतियोगिताका लागि विभिन्न प्रदेशबाट छनोट सम्पन्न भइसकेको थियो।

‘कोरोना महामारीका कारण प्रतियोगिता आयोजना गर्न प्रतिकूल भएको र राष्ट्रिय खेलकुद परिषद्ले पनि आर्थिक वर्ष सकिएका कारण प्रतियोगिताका लागि निकासा भएको रकम फिर्ता गर्न ताकेता गरेकाले प्रतियोगिता रद्द भएको हो,’ कमिटीको सूचनामा उल्लेख छ।

प्रकाशित: Jul 21, 2020| 18:09 मंगलबार, साउन ६, २०७७