‘अनलाइन प्रतियोगिताले नयाँ युगको सुरुवात गरेको छ’

विश्व तेक्वान्दोका अध्यक्ष चुङवान चाउले जर्मनीमा भइरहेको अनलाइन तेक्वान्दो प्रतियोगिताले नयाँ युगको सुरुवात गरेको बताएका छन्। उनले भिडियो सन्देश जारी गर्दै प्रतियोगिताको शैलीले खेललाई नयाँ टेस्ट दिएको बताए।

जर्मनीमा जारी प्रतियोगितामा विश्वका ७२ देशका खेलाडीको सहभागिता रहेका छ। अनलाइन डेडो ओपन युरोपिन पुन्से च्याम्पियनसिप नाम दिइएको प्रतियोगितामा १२ सयभन्दा धेरै खेलाडीको सहभागिता छ।

पहिलो पटक आयोजना गरिएको प्रतियोगिताले विश्वका तेक्वान्दो प्रेमिलाई जोडेको उनले बताए। उनले भने, ‘महामारीमा पनि तेक्वान्दोले प्रविधिको विस्तारसँगै खेललाई अघि बढाएको छ।’ उनले अनलाइन प्रतियोगितालाई ‘टेक तेक्वान्दो’ भनेका छन्। यो प्रतियोगिताले तेक्वान्दोलाई नयाँ युगमा लैजान मार्ग निर्देशन गर्ने पनि उनले बताए।

प्रतियोगितामा नेपालका ५ खेलाडीले प्रतिस्पर्धा गरेका थिए। जसमा ३ जना सेमिफाइनलका लागि छनोट भएका छन्। भने दुई जना प्रिलिमिनरी राउन्डबाट बाहिरिएका छन्।