गाडी चढेर घर जान पाउँदाको खुसी (तस्बिरहरु)

लकडाउनका कारण खान बस्न समस्या भएर पैदलै घर फर्किन लागेकाहरुलाई शनिबार साँझ काठमाडौंको थानकोटबाट गाडीमा हालेर पठाइएको छ। थानकोटको त्रिभुवन पार्कमा भेला भएका करिब ३ सय जनालाई स्थानीय प्रशासन, सांसद तथा स्थानीय युवाहरुको पहलमा सुरक्षित रुपमा गन्तव्यमा पठाइएको हो।

चन्द्रागिरि यातायातसहित आठ वटा गाडीमा उनीहरुलाई घर पठाउने व्यवस्था गरिएको थियो। उनीहरु सबैको विवरण राखेर बाँके, बर्दिया, दाङ, सर्लाही, नेपालगञ्ज, बारा, पर्सालगायत जिल्लामा पठाइएको छ। पठाउनुअघि सबैको ज्वरो नापिएको थियो।