पार्टी महाधिवेशनमा प्रहरी प्रशासनको दुरुपयोग नगर्न पौडेल पक्षको आग्रह

कांग्रेसको इतर समूहले क्रियाशील सदस्यहरूको छानबिन निष्पक्ष र पारदर्शी ढंगले सम्पन्न गर्न तथा महाधिवेशनमा प्रहरी प्रशासनको दुरुपयोग नगर्न सभापति शेरबहादुर देउवासँग आग्रह गरेको छ।

नेपाल समय | शुक्रबार, भदौ २५, २०७८

नेपाल समय

शुक्रबार, भदौ २५, २०७८

पार्टी महाधिवेशनमा प्रहरी प्रशासनको दुरुपयोग नगर्न पौडेल पक्षको आग्रह

काठमाडौं– नेपाली कांग्रेसको संस्थापन इतर समूहले क्रियाशील सदस्यहरूको छानबिन निष्पक्ष र पारदर्शी ढंगले सम्पन्न गर्न तथा महाधिवेशनमा प्रहरी प्रशासनको दुरुपयोग नगर्न सभापति शेरबहादुर देउवासँग आग्रह गरेको छ। वरिष्ठ नेता रामचन्द्र पौडेलसहितका नेताहरूले शुक्रबार सभापति देउवालाई बालुवाटारमा भेट गरी यस्तो आग्रह गरेका हुन्।

भेटपछि पौडेलले भने, ‘कृयाशील सदस्यहरुको छानबिन निष्पक्ष र पारदर्शी ढंगले सम्पन्न होस् र पार्टीको महाधिवेशनमा राज्यको पुलिस र प्रशासनको दुरुपयोग हुन नपाओस् भनेर ध्यानाकर्षण गरायौं।’ उनीहरूले पार्टी निर्वाचनलाई धाँधलीरहित र निष्पक्ष बनाउन सहयोग गर्न पनि सभापति देउवासँग आग्रह गरेका थिए। पौडेलसहित महामन्त्री डा. शशांक कोइराला, नेताहरु प्रकाशमान सिंह, अर्जुननरसिं केसी, मिनेन्द्र रिजाल र जीवन परियारसहितको टोलीले देउवालाई भेटेको हो।

प्रकाशित: Sep 10, 2021| 11:14 शुक्रबार, भदौ २५, २०७८