भाजपाका महासचिव राम माधव काठमाडौंमा

काठमाडौं- भारतीय जनता पार्टी (भाजपा) का राष्ट्रिय महासचिव राम माधव काठमाडौंमा छन्। 

नेपाल सरकारले भारतलाई तुइन घटना र हेलिकोप्टर प्रकरणका विषयमा कूटनीतिक नोट पठाएपछि बिहीबार राष्ट्रिय स्वयंसेवक संघका राष्ट्रिय कार्यकारी सदस्यसमेत रहेका राम माधव काठमाडौं आएका हुन्। 

उनको भेटघाटको कार्यतालिका भने सार्वजनिक गरिएको छैन। उनी यसअघि २०७५ साल साउनमा नेपाल भ्रमणमा आएका थिए। त्यस समय उनले दिएको अभिव्यक्ति विवादित बनेको थियो। 

उनले भनेका थिए, 'नेपालले सामुद्रिक मार्गको सहज पहुँच र त्यसबाट धेरै फाइदा लिनका लागि ‘दक्षिण हेर्ने’ नीति अपनाउनुपर्छ। इन्डिया थिंक ट्यांक फाउन्डेसनका निर्देशक तथा भाजपाका विदेश विभाग प्रमुखसमेत रहेका माधवको यस पटकको भ्रमणलाई अर्थपूर्ण रुपमा हेरिएको छ। 

 यसअघि पनि भाजपाका अर्का नेता विजय चौथाइवाले भदौ पहिलो साता नेपा भ्रमणका आएका थिए। एक महिनामा नै भारतको सत्तारुढ पार्टीका प्रतिनिधो यो दोस्रो भ्रमण हो। 

अमेरिकी सहायता संस्था एमसीसीका उपाध्यक्ष फतिमा सुमारको टोली नेपाल भ्रमणमा रहेकै बेला भएको उनको भ्रमणलाई अर्थपूर्ण रुपमा हेरिएको छ।