संसद् बैठक रोकेर एमालेसँगको छलफलमा जुटे सभामुख

संसद् बैठक रोकेर सभामुख अग्‍निप्रसाद सापकोटा नेकपा एमालेसँग छलफलमा जुटेका छन्।

नेपाल समय | बुधबार, भदौ २३, २०७८

नेपाल समय

बुधबार, भदौ २३, २०७८

संसद् बैठक रोकेर एमालेसँगको छलफलमा जुटे सभामुख

काठमाडौं- संसद् बैठक रोकेर सभामुख अग्‍निप्रसाद सापकोटा नेकपा एमालेसँग छलफलमा जुटेका छन्। एमालेले प्रतिनिधि सभा बैठकमा अवरोध सिर्जना गर्दै नाराबाजी गरेपछि सभामुखले बैठक स्थगित गरेर गतिरोध अन्त्यका लागि छलफलमा जुटेका हुन्।

सभामुख र एमाले संसदीय दलका प्रमुख सचेतकलगायतबीच छलफल भइरहेको छ। बैठक संघीय संसद भवनको सभामुख कक्षमा छलफल चलिरहेको छ।

एमालेले बुधबार संसद् बैठक सुरु हुनासाथ आफ्नो धारणा राखेर संसद बैठक अवरुद्ध पार्दै सभामुखविरुद्ध नाराबाजी गरेको थियो। लगत्तै सभामुखले १५ मिनेटका लागि बैठक स्थगित गरेर छलफल थालेका हुन्।

एमालेले सभामुख सापकोटाले संसदीय मर्यादा कायम नगरेको भन्दै रोष्टम अगाडि उभिएर नाराबाजी गरेका हुन्।

प्रकाशित: Sep 08, 2021| 17:05 बुधबार, भदौ २३, २०७८