बन्‍ने भयो लचिलो र फोल्डएबल  विङ्स

एजेन्‍सी - हवाईजहाज तथा अन्तरिक्ष यानका ‘विङ्स’ (पखेटा) प्रायः बलियो र नखुम्चने गरी बनाइएको हुन्छ। कल्पना गरौं त, यी ‘विङ्स’, चराका पखेटा जसरी खुम्चन र फैलन सम्भव होला ?

अब यो यथार्थमा परिणत हुने भएको छ। म्यासाचुसेट्स इन्स्टिच्युट टेक्नोलोजी (मिट) र नासाले  संयुक्त रूपमा उक्त ‘फोल्डएबल’ विङ्को निर्माण सुरु गरेका छन्। सामान्य तबरमा विमानका विङ्स ठुलो हुने गर्छ तर,  निर्माणमा रहेको उक्त विङ्स भने ४ मिटरको मात्र छ।

विमान उडान तथा अवतरणका समयमा उक्त विङ्स फैलिएर सीधा आकारमा आउनेछ भने उडानको समयमा यस प्रकारको विङ्स चराको पखेटाजस्तै खुम्चने, फैलने गर्छ। यस विशेष विङ्सको निर्माणमा स–साना सयौँ ‘माड्युल्स’ जोडेर बनाइनेछ। विङ्स फोल्ड खुम्चन र फैलन सक्छ।  माड्युल्समा मेटामेटरियल हुन्। योसाह्रै हलुंगो पोलिमर हो। यसमा न्यून घनत्वको जेल हुन्छ।

यस प्रकारका ‘विङ्स’ बिग्रिएको खण्डमा बनाउन पनि सजिलो हुने दाबी नासाले गरेको छ।   निर्माणाधीन ‘विङ्स’ अनुसार विमानको पनि डिजाइन गर्नुपर्ने जानकारी  दैनिक भास्करले दिएको छ।