महिला साफको सन्देश टेलिकम र एनसेलबाट

काठमाडौं- मंगलबारबाट विराटनगरमा सुरु हुने पाँचौं महिला साफ प्रतियोगिताको छोटो सन्देश नेपाल टेलिकम र एनसेलबाट प्रवाह गरिने अखिल नेपाल फुटबल संघ (एन्फ)का प्रवक्ता तथा प्रचार प्रसार समितिका स‌ंयोजक किरण राईले जानकरी दिए । 

पहिलो पटक महिला साफ प्रतियोगिताको आयोजना गर्ने मौका पाएको नेपालले सम्पूर्ण सर्वसाधारणलाई  प्रतियोगिता सम्बन्धी जानकारी गराउने उद्देश्यले टेलिकम र एनसेलबाट सुचना प्रवाह गराइने  राईले जानकारी दिएका हुन् ।

प्रतियोगिता तथा खलाडीको सुरक्षाको व्यवस्था सुदृढ रहेको बताउँदै रंगशालामा स्वयंसेवक, नेपाल प्रहरी, सशस्त्र प्रहरी बाहिरपट्टी नेपाली सेनाले सुरक्षा जिम्मेवारी लिएकोसमेत जानकरी दिए । 

प्रतियोगिता नेपाल, भारत, भुटान, बंगलादेश, मालदिभ्स र श्रीलंका गरी ६ राष्ट्रिका महिला फुटबल टिमको सहभागिता रहेको छ ।