नेपाल र मलेसियाबिचको मैत्रिपूर्ण खेल स्थगित

काठमाडौं- नेपाली राष्ट्रिय फुटबल टोलीको मलेसियासँग हुने भनिएको मैत्रीपुर्ण खेल स्थगित भएको छ । विश्व फुटबलको सर्वोच्च निकाय फिफाले मैत्रीपूर्ण खेलका लागि मलेसियालाई अनुमति नदिएपछि खेल स्थगित भएको हो ।

यसअघि उक्त मलेसियासँगको मैत्रिपूर्ण खेल २६ मार्चमा हुने तय गरिएको थियो । नेपालले मलेसियासँगको मैत्रिपूर्ण खेल उसैको मैदानमा खेल्ने तयारी गरेको थियो । 

मैत्रीपुर्ण खेलका लागि एएफसीले अनुमति दिए पनि एक महिनामा तीन मैत्रिपूर्ण खेल खेल्न नपाउने फिफाको प्रावधान अनुसार अनुमति नपाएको मलेसिया फुटबल संघले पत्रमा जनाएको छ । 

मलेसियाले यसअघि नै २ खेल खेलिसकेको छ । अब दुई देशबिचको नयाँ मिति कहि समयमा घोषणा गरिने जनाएको छ । मलेसियासंगको मैत्रीपुर्ण खेल स्थगित भएपनि नेपालले कुवेतसँग आगामी मार्च २१ मा उसैको मैदानमा मैत्रीपुर्ण खेल खेल्नेछ ।