स्ट्यान्डिङ क्रिकेट टोली भारत जाने

काठमाडौं- नेपाली पारा स्ट्यान्डिङ पुरुष क्रिकेट टोली शनिबार भारत प्रस्तान गर्ने भएको छ । भारतको आग्रामा आयोजना हुने तीन टी-२० क्रिकेट श्रृंखला खेल्न नेपाल त्यसतर्फ प्रस्थान गर्न लागेको हो । 

उक्त प्रतियोगिताका लागि खेलाडीमा रामप्रसाद खरेलको कप्तानीमा १४ सदस्यीय टोलीको छनोट गयरिएको थियो । टोलीमा रामप्रशाद सहित, हेमबहादुर गुरुङ, प्रदीप रिजाल, सुमन बराल, इन्द्रसिंह डिसी, राम कुँवर, राम मगर, मनोज थापा, छवि धोबी, लक्ष्मीप्रसाद अधिकारी, सोभितकुमार हल्वाइ, रुपक वाइबा, सुकलाल मिया, मीनप्रसाद ढकाल र ललनकुमार बाराही रहेका छन् ।

व्ह्ीलचेयर क्रिकेट संघ नेपालका अध्यक्ष छुल्टिम ग्याल्जिङ शेर्पाको नेतृत्वमा जाने टोलीको फिजियोमा अञ्जना श्रेष्ठ तथा अफिसियलमा राजेश शाह र शरद पौड्याल छन् । 

नेपालले मार्च १३, १४ र १५ तारिखमा भारतको राष्ट्रिय स्ट्यान्डिङ टिमसंग प्रतिस्पर्धा गर्ने अध्यक्ष शेर्पाले जानकारी गराए । बिदाइका अवसरमा वज्रयोगिनी ब्याग प्रोडक्सनका प्रोपाइटर हरि श्रेष्ठद्वारा प्रायोजित पोशाक पनि टोलीलाई वितरण गरिएको थियो । 

टोलीलाई राष्ट्रिय खेलकुद परिषद्का सदस्य-सचिव केशवकुमार विष्टले शुक्रबार एक कार्यक्रमबीच बिदाइ गरे ।