‘नेयमार भन्दा डेम्बेले उत्कृष्ट’

एजेन्सी- फ्रान्स तथा बार्सिलोनाका युवा फरवार्ड ओसमाने डेम्बेले पछिल्लो समय निकै नै लयमा छन् । उनले जारी सिजनमा बार्सिलोनालाई अफ्ठेरो पर्दा निकैनै महत्वपूर्ण भुमिका खेल्दै आएका छन् । 

सोही कारण पनि होला बार्सिलोना क्लबका अध्यक्ष जोसेप मारिया बार्टोमेउले नेयमार भन्दा डेम्बेले उत्कृष्ट भएको बताएका छन् । क्लबका अध्यक्ष बार्टोमेउले एक स्पोर्टस् मिडियासँग कुरा गर्दै नेयमार भन्दा डेम्बले उत्कृष्ट रहेको बताएका हुन् । 

‘नेयमार भन्दा डेम्बेले र काउटिन्हो अब्बल छन् । जो बार्सिलोनामा छन् र राम्रो पनि’, क्लबका अध्यक्ष बार्टोमेउले भने । बार्सिलोनाले नेयमारको विकल्पको रुपमा २१ बर्षीय डेम्बेलेलाई बुन्ज्डेस लिगा क्लब ब्रोसिया ड्रोटमण्डबाट १ सय ५ मिलियन युरोमा अनुबन्धित गरेको थियो । 

केही समयको इन्जुरी पिछ उनेल आफुलाई एक महत्वपूर्ण खेलाडीको रुपमा उभ्याएका छन् । उनले जारी सिजनमा १३ गोल र ८ असिस्ट समेत गरेका छन् । उनले ला लिगाका मात्र २३ खेलमा ८ गोल गरेका छन् । 

डेम्बेलेले पछिल्लो साता रियल मड्रिडसँग ३-० गोल अन्तरले विजयी हुँदा दुई असिस्ट गरेका थिए ।