बार्सिलोनाले सिजनको पहिलो उपाधि जित्ने मौका गुमायो

एजेन्सी- स्पेनिस ला लिगा क्लब जिरोनाले अर्को स्पेनिस ला लिगा क्लब बार्सिलोनालाई पराजित गर्दै स्पेनिस सुपर कोपा डे क्याटलुनिया फुटबलको उपाधि जितेको छ । बुधबार राती भएको फाइनल खेलमा बार्सिलोनालाई १-० को झिनो अन्तरले पराजित गर्दै जिरोनाले उपाधि उचालेको हो ।

पहिलो हाफ गोल रहित बराबरी भएको खेलको दोस्रो हाफमा खेलको एक मात्र निर्णायक गोल सम्भव भएको थियो । जारी सिजनको पहिलो उपाधि उचाल्न जिरोनकाका लागि क्रिस्टियन स्टुआनीले गरे । 

उने खेलको ६९औं मिनेटमा पेनाल्टीमा गोल गर्दै आफ्नो टोलीलाई सिजनको पहिलो उपाधि दिलाउन सफल भए । यो अफिसियल प्रतियोगिता नभएकाले बार्सिलोना यस प्रतियागिताका लागि टोलीमा अधिकांश आफ्ना दोस्रो रोजाइका खेलाडी मैदानमा उतारेको थियो । 

जुन गल्तीका कारण बार्सिलोनाले जारी सिजनको पहिलो उपाधि जित्ने मौका गुमाएको छ ।