लुकाकु चम्कदा युनाइटेड क्वार्टफाइनलमा, पिएसजी पराजित

एजेन्सी- रामेलु लुकाकु चम्कदा इंग्लिस प्रिमियर लिग क्लब म्यानचेष्टर युनाइटेड च्याम्पियन्स लिग फुटबलको क्वार्टरफाईनलमा प्रवेश गरेको छ । बुधबार राति भएको प्रि-क्वार्टफाइनल खेलको दोस्रो लेगको खेलमा पेरिस सेन्ट जर्मन (पिएसजी)लाई ३-१ गोल अन्तरले पराजित गर्दै समग्रमा ३-३ को नतिजा सहित युनाइटेड अवे गोलका आधारमा क्वार्टफाइनलमा प्रवेश गरेको हो ।

पाहुना टोली युनाईटेडलाई जित दिलाउन रामेलु लुकाकुले २ गोल गरे भने  रासफोर्डले १ गोल गरे । दोस्रो मिनेटमा नै लुकाकुले गोल गर्दै पाहुना टोलीलाई सुरुवाती अग्रता दिलाए । खेलको १२ औं मिनेटमा जुवान वर्नाटले गोल गर्दै खेल बराबरीमा ल्याए । 

लुकाकुले ३० औ मिनेटमा पुनः व्यक्तीगत दोस्रो गोल गर्दै पाहुना टोलीलाई २-१ को अग्रता दिलाए । तर दोस्रो हाफको ईन्जुरी समयमा मार्कोस रासफोर्डले पेनाल्टीमा गोल गर्दै युनाईटेडलाई सनसनीपूर्ण जित दिलाए । यसअघि घरेलु मैदानमा भएको पहिलो लेगमा युनाइटेड पिएसजीसँग २-० ले पराजित भएको थियो ।