थ्रिस्टार झापा गोल्डकपको सेमिफाइनलमा

काठमाडौं- थ्रि स्टार क्लब चौंथो संस्करण्को झापा गोल्ड कप फुटबलको सेमिफाइनलमा प्रवेश गरेको छ । बुधबार भएको क्वाटरफाइनल खेलमा विभागीय टोली नेपाल पुलिस क्लबलाई पेनाल्टी सुटआउटमा ३-० गोल अन्तरले पराजित गर्दै प्रतियोगिताको सेमिफाइनलमा प्रवेश गरेको हो । 

दुबै टोलीले निर्धारित ९० मिनेटको खेल गोलरहित बराबरी खेले पटि खेलको निर्णय पेनाल्टी सुटआउटमा पुगेका थियो । पेनाल्टी सुटआउटमा थ्री स्टारका विजय धिमाल, बुद्ध चेम्जोङ र रुपेश केसीले गोल गरे । बिक्रम लामाको प्रहार पुलिसका गोलकिपर शत्रुघन चौधरीले बचाउ गरे । 

यता पुलिसका अजित भण्डारी र भरत शाहको प्रहार थ्री स्टारका गोलरक्षक एलेन न्यौपानेले बचाउँदा रबी पासवानको प्रहार आकाशिएसँगै थ्रि स्टार विजयी भएको हो ।

अब फाइनल प्रवेशका लागि थ्री स्टारले झापा-११ सँग प्रतिस्पर्धा गर्नेछ । प्रतियोगिताको विजेताले १२ लाख ५५ हजार र उपविजेताले ६ लाख ५ हजार रुपैयाँ हात पार्नेछ ।