चोटले पिरोलेका दुई टोली पिएसजी र युनाइटेड भिड्दै

एजेन्सी- च्याम्पियन्स लिगको फ्रि-क्वाटरफाइलको दोस्रो लेगमा आजा (बुधबार) राती फ्रान्स लिग वान क्लब पेरिस सेन्ट जर्मन (पिएसजी) र इंग्लिस प्रिमियर लिग क्लब म्यानचेस्टर युनाइटेड भिड्दै छन् । खेल नेपाली समय अनुसार राटी १:४५ बजे सुरु । 

फ्रि-क्वाटरफाइलको पहिलो लेगमा २-० ले अग्रता लिएको पिएसजी आफ्नो घरेलु मैदानमा पुनः सहज जित निकाल्दै क्वाटरफाइनलमा प्रवेश गर्ने दाउँमा हुनेछ । यता युनाइटेड भने घरेलु मैदानमा भोगेको पराजयको बदला लिने दाँउमा रहने छ । 

पिएसजीको घरेलु मैदानमा उसैलाई सनसनी पूर्ण हार चखाउँदै युनाइटेड क्वाटरफाइनलमा प्रवेश गर्न चाहन्छ । तर, युनाइटेडले यस खेलमा आफ्ना महत्वपूर्ण ६ खेलाडी गुमाएको छ । 

केही खलाडी प्रतिबन्धका कारण मैदानमा उत्रिने छैनन् भने केही खेलाडी घाइते भएका छन् । त्यस्तै थप तीन खेलाडीको पनि खेल्ने नखेल्ने कुनै टुङ्गो छैन् । यता पिएसजीका पनि स्टार खेलाडी नेयमार पनि मैदानमा हुने छैनन् । 

चोटका कारण लामो समय उनी मैदान बाहिर रहेदै आएका छन् ।  अर्का स्टार खेलाडी एडिन्सन काभानी पनि हिपको समस्यका कारण खेल्ने नखेल्ने कुनै टुङ्गो लागेको छैन ।