नेपालले केन्यामा खेल्ने भनिएको टी-२० प्रतियोगिता सर्यो 

काठमाडौं- केन्यामा हुने भनिएको ‘एट नेसन’ ए टी-२० क्रिकेट सिरिज प्रतियोगिता सरेको छ । नेपाली राष्ट्रिय पुरुष क्रिकेट टोलीले समेत सहभागिता जनाउने भनिएको यउक्र प्रतियोगिता करिब तीन हप्ता सरेको हो । 

यसअघि प्रतियोगिता केन्यामा मार्च अन्तिम साताबाट हुने भनिए पनि प्राविधिक कारण २ देखी ३ हप्ता सरेको जनाएको हो । प्रतियोगिताको नयाँ मिति भने केहि दिनमा तय हुने केन्याले जनाएको छ ।

यसअघि प्रतियोगिता २२ मार्च देखि ३१ सम्म आयोजना हुने तय भएको थियो । प्रतियोगितामा ८ राष्ट्रले सहभागिता जनाउने छन् । तर, प्रतियोगितामा सहभागी राष्ट्रको भने तय भएको छैन ।

नेपालले सन् २०२० मा हुने टी-२० विश्वकपको लागि आयोजना हुने एसिया छनोटको तयारीको रुपमा प्रतियोगिता खेल्न लागेको हो । विश्वकपका लागि एसिया छनोट अगष्टमा हुँदैछ ।