जारी सिजनको पहिलो उपाधि उचाल्ने दाँउमा बार्सिलोना

एजेन्सी- स्पेनिस महारथि क्लब बार्सिलोना सुपर कोपा डे क्याटालोनियाको उपाधि नजिक पुगेको छ । बार्सिलोना उक्त प्रतियोगिताको लगातार दोस्रो पटक उपाधि उचाल्ने दाउँमा छ । 

सुपर कोपा डे क्याटालोनियाको उपाधिका लागि बार्सिलोनाले आज (बुधबार) राती अर्को ला लिगा प्रतिद्वन्द्वी क्लब जिरोनासँग खेल्दै छ । खेल नेपाली समय अनुसार राती ११:३० बजे सुरु हुने छ । 

बार्सिलोनाले सुपर कोपा डे क्याटालोनियाको उपाधि २ पटक जितेको छ । यता जिरोना भने पहिलो पटक सुपर कोपा डे क्याटालोनियाको उपाधि उचाल्ने दाउँमा छ । पछिल्लो १० बर्ष यता यि दुई टोलीले ६ पटक एक अर्काबिच प्रतिस्पर्धा गरेका छन् । 

६ पटकको भेटमा पाँच पटकम जिरोना पराजित भएको छ भने एक पटक मात्र बराबरी खेलेको छ । यसै सिजनको ला लिगमा भएको भेटमा जिरोना बार्सिलोनासँग २-० ले पराजित भएको थियो । 

गत बर्षको ला लिगाका दुई पटक आमने सामने हँदा एक पटक जिरोना ६-१ गोल अन्तरले पराजित भएको थियो । दास्रो भेटमा भने २-२ को बराबरी खेल्यो । २०१७ मा ला लिगामा भएको भेटमा जिरोना बार्सिलोनासँग ३-० ले पराजीत भएको थियो ।