‘जेरार्ड पिके सदाबहार उत्कृष्ट डिफेन्डर’

एजेन्सी- बार्सिलोनाका पूर्ण मिडफिल्डर रोबर्ट फेर्नान्डेजले बार्साका सेन्टर ब्याक जेरार्ड पिकेलाई विश्वकै उत्कृष्ट डिफेन्डर भएको बताएका छन् । उनी विश्व फुटबलद इतिहासमा सदाबहार उत्कृष्ट रहेको पूर्ण बार्सिलोना खेलाडी फेर्नान्डेजले बतएका छन् । 

‘पिके विश्वकै उत्कृष्ट सेन्टर ब्याक हुन् । उनी अहिले मात्र हैन, सदाबाहार उत्कृष्ट खेलाडी हुन्,’ फेर्नान्डेजले भने । पिकेले पछिल्लो समय रियल मड्रिडसँगको खेलजमा महत्वपूर्ण भुमिका खेलेका थिए । 

जुन एकै हप्तामा भएका दुई खेलमा बार्सिलोना रियमाथि विजयी भएको थियो । फेर्नान्डेजले विश्वको उत्कृष्ट डिफेन्डरको छलफलका बेला पिके उत्कृष्ट खेलाडी भएको बताएका हुन् । 

पिकेले जारी सिजन ला लिगाका २६ खेल सम्पन्न हुँदा २६ खेल नै खेलेका छन् । उनले २६ खेलमा तीन गोल समेत गरेका छन् । जारि सिजनमा पिकेले बार्सिलोनाका लागि ३७ खेल खेल्दै पाँच गोल गरेका छन् । 

पिकेले स्पेनिस राष्ट्रिय टोलीका लागि १ सय २ खेल्दै ५ गोल गरेका छन् । उनी २००९ मा स्पेनिस राष्ट्रिय टोलीमा डेब्यु गरेका थिए ।