पिएसएल : आफ्नो पाँचौ खेलमा सन्दीपको कस्तो रहला प्रदर्शन?

काठमाडौं- नेपाली राष्ट्रिय टोलीका महत्वपूर्ण सदस्य तथा लेग ब्रेक स्पिनर सन्दीप लामिछानेले पाकिस्तान सुपर लिग (पिएसएल)मा आज (मंगलबार) आफ्नो पाँचौ खेल खेल्दै छन् । लाहोर क्यालन्डर्सबाट पिएसएल खेली रहेका उनले पेशावर जाल्मीविरुद्ध मैदान उत्रिदै आफ्नो पाँचौ खेल खेल्न लागेका हुन् । 

खेल नेपाली असमय अनुसार बेलुका ५:१५ बजे सुरु हुने छ । दुवै टोली जित निकाल्ने लक्ष्यसहित मैदान उत्रने छन् । ८ खेलमा ५ जित हात परेको पेशावर १० अंक सहित अंक तालिकाको दोस्रो स्थानमा छ । 

७ खेलमा ३ जित हात पारेको लाहोर ६ अंक सहित पाँचौ स्थानमा छ । प्ले अफमा स्थान बनाउन लाहोरलाई पेशावरविरुद्ध जित अत्यावश्यक रहेको छ ।

पिएसएलमा उत्कृष्ट बलिङ गरेका कारण सन्दीपल यस खेलको प्लेइङ ११ मा पर्ने सम्भावना बढी छ । सुरुवाती ३ खेल गुमाएका सन्दीपले पछिल्लो ४ खेलमा उत्कृष्ट प्रदर्शन प्रदर्शन गर्दै १० विकेट हात लिइका छन् । सन्दीप सर्वाधिक विकेट लिने खेलाडीको सूचीको चौथो स्थानमा छन् ।