सुर्खेतमा कर्णाली प्रिमियर लिगको दोस्रो संस्करण

सुर्खेत – सुर्खेतमा कर्णाली प्रिमियर लिग (केपिएल) को दोस्रो संस्करण आगामी बैशाखमा हुने भएको छ। कर्णाली क्रिकेट एकेडेमीले आयोजना गर्न लागेको केपिएल टि–२० राष्ट्रिय टुर्नामेन्ट बैशाख १२ गतेदेखि २१ गतेसम्म संचालन हुने छ। आठ टिमको सहभागिता रहने खेलमा प्रत्येक टिममा २ जना विदेशी खेलाडी सहभागी गराउन पाइने आयोजकले जनाएको छ।

सुर्खेतको वीरेन्द्रनगर रंगशाला मैदानमा आयोजना गरिने उक्त प्रतियोगितामा राष्ट्रियस्तरमा खेलाडीहरुको सहभागिता रहने आयोजनको भनाई छ। प्रतियोगितामा करिव ६० लाख खर्च हुने आयोजकको अनुमान छ।

कर्णाली प्रदेशमा क्रिकेटको विकासको लागि दोस्रो संस्करण आयोजना गरिएको एकेडेमीका संयोजक रेशम शाहीले बताए। प्रतियोगिताले कर्णाली प्रदेशबाट पनि राष्ट्रिय खेलाडी उत्पादनमा महत्वपूर्ण सहयोग मिल्ने कर्णाली क्रिकेट एकेडेमिका अध्यक्ष जीवन शाहीले बताउँछन्।