आज सिरी ‘ए’मा शीर्ष स्थानका दुई टोली भिड्दै

एजेन्सी- इटालीयन सिरी ‘ए’ अन्तर्गत आज (आइतबार) राती शीर्ष स्थानका दुई टोली भिड्ने भएका छन् । शीर्ष स्थानका दुई टोली वुभेन्ट्स र नेपोली भिड्न लागेका हुन् । 

नेपोलीको घरेलु मैदान स्टेडिओ सान पाओलोमा खेल नेपाली सनमय अनुसार राती १:१५ बजे सुरु हुने छ । आफ्नो घरेलु मैदानमा उत्रिदा नेपोली युभेन्ट्सको अपराजित यात्रामा पूर्णविराम लगाउने दाँउमा रहने छ । 

यता युभेन्ट्स भने आफ्नो अपराजित यात्रा कायम राख्दै शीर्ष स्थानमा अग्रता बढाउने दाँउमा हुनेछ । यि दुई टोलीको पछिल्ला २० खेलमा डह टु हेड हेर्दा नेपोली युभेन्ट्स माथि हावी देखीन्छ । 

पछिल्ला २० खेलमा नेपोली १० खेलमा विजयी भएको छ । त्यस्तै ५ खेलमा बराबरी र मात्र ५ खेलमा पराजित भएको छ । पछिल्लो पटकको भेटमा भने नेपोली युभेन्ट्ससँग ३-१ ले पराजित भएको थियो । 

नेपोलीको यस मैदानमा पछिल्लो पटक दुबै टोलीले १ डिसेम्बर २०१७ मा भिडेका थिए । जहाँ नेपोली युभेन्ट्ससँग १-० ले पराजित भएको थियो ।