बर्ष क्रिकेट खेलाडीको मनोनित सार्वजनिक

काठमाडौं- ‘एनसीसीएस-सिप्यान क्रिकेट अवार्ड’ अन्तर्गत पुरुष र महिलाको बर्ष क्रिकेट खेलाडीको नाम सार्वजनिक गरेको छ । क्रिकेट खेलाडी संघ नेपाल (सिप्यान) ले आइतबार एक कार्यक्रमको आयोजना गर्दै पाँच/पाँच जना खेलाडीको नाम सार्वजनिक गरेको हो । 

पुरुष बर्ष क्रिकेट खेलाडीको सूचीमा नेपाली राष्ट्रिय टोलीका कप्तान पारस खड्का सहित दिपेन्द्र सिंह ऐरी, करण केसी, सन्दीप लामिछाने र सोमपाल कामी रहेका छन् । त्यस्तै महिलातर्फ नेपाली टोलीकी कप्तान रुबिना क्षेत्री बेल्बासे, इन्दु बर्मा, करुणा भण्डारी, सरिता मगर र सिता राना मगर परेकी छिन् ।

उदयमान क्रिकेट खेलाडीतर्फ अविनाश बोहरा, कविता कुँवर, ललित नारायण राजवंशी, रोहित कुमार पौडेल र सन्दीप जोरा रहेका छन् । सिप्यानले एक प्राविधिक समिति गठन गरेर मनोनयनमा पर्ने खेलाडीको सूची सार्वजनिक गरेको जनाएको छ । 

समितिमा राष्ट्रिय टोलीका मुख्य प्रशिक्षक जगत टमटा, प्रशिक्षक विनोद दास, अम्पायर विनोद कुमार झा, अम्प्यार दुर्गानाथ सुवेदी, नेपाल खेलकुद पत्रकार मंचका प्रतिनिधि सरिता श्रेष्ठ, सुबास हुमागाई र टेक्निकल कोअर्डीनेटरमा रमण शिवाकोटी रहेका थिए । 

सिप्यानले बर्षको उत्कृष्ट क्षण अवार्डका लागि १० क्षणको सूची यसअघि नै सार्वजनिक गरिसकेको छ । यस्तै सिप्यानले लाइफटाइम्स अचिभमेन्ट अवार्ड समेत पर्दान गर्ने छ । 

बर्ष क्रिकेट खेलाडी पुरुषले अवार्डसँगै नगद १ लाख ३२ हजार प्राप्त गर्दा अन्य चार विधाका विजेताले समान ६६ हजार नगद पुरस्कार पाउनेछन् । सिप्यानले पाँच विधाको अवार्ड फागुन २१ गते प्रदान गर्नेछ ।