युनाइटेड विजयी, टोटेनहम र आर्सनलले बराबरी खेले

एजेन्सी- शनिबार राति भएको इंग्लिस प्रिमियर लिग फुटबलमा म्यानचेस्टर युनाइटेडले साउथह्याम्पटनलाई ३-२  गोल अन्तरले पराजित गरेको छ । साउथह्याम्पटनको मैदानमा लुकाकुले दुई गोलको मद्दतले युनाइटेड ३-२ ले विजयी भएको हो । 

त्यस्तै आन्द्रियास पेरेइराले एक गोल गरे । साउथह्याम्पटनका लागि यान भालेरी र जेम्स वार्डले एक एक गोल फर्काएका थिए । पहिलो हाफमा १-० ले अग्रता लिएको युनाइटेडले दोस्रो हाफमा दुई गोल खादै दुई नै गरेको थियो ।

यस जितसँगै युनाइटेडले २९ खेलबाट ५८ अंक सहित चौंथो स्थानमा उक्लिएको छ । पराजित साउथह्याम्पटन २७ अंक जोडेर १७ औं स्थानमा छ ।

त्यस्तै शनिबार नै भएको अर्को खेलमा टोटेनहम र आर्सनलले १-१ को बराबरी खेल्दै अंक बाँढेका छन् । टोटेनहमको मैदानमा सुरुवाती अग्रता जोगाउन र पेनाल्टीमा गोल गर्न नसक्दा आर्सनलले एक अंकमा चित्त बुझाएको हो । 

आर्सनलका लागि आरोन रामसेले गोल गर्दा टोटेनहमका लागि ह्यारी केनले पेनाल्टीमा गोल गरेका थिए  । बराबरीसँगै तेस्रो स्थानको टोटेनहमले २९ खेलबाट ६१ अंक जोडेको छ । पाँचौ स्थानको आर्सनलको ५७ अंक छ ।