लिभरपुललाई पछि पार्दै सिटी शीर्ष स्थानमा

एजेन्सी- म्यानचेस्टर सिटी इंग्लिश प्रिमियर लिग फुटबलको शीर्ष स्थानमा उक्लिएको छ । शनिबार भएको खेलमा बर्नमाउथलाई १-० गोलले पराजित गर्दै सिटी शीर्ष स्थानमा उक्लिएको हो ।

बर्नमाउथको घरेलु मैदानमा भएको खेलमा सिटीको जितका लागि खेलको एक मात्र निर्णायक गोल रियाद महरेजल गरे । उनले पहिलो हाफ गोलरहित बराबरी भएको खेलको दोस्रो हाफमा गोल गरेका थिए । खेलको ५५ औं मिनेटमा महरेजले गोल गर्दै जित दिलाए । 

यस जितसँगै साविकको विजेता सिटी लिभरपुललाई पटि पार्दै शीर्ष स्थानमा उक्लिए हो । सिटीले २९ खेलबाट ७१ अंक जोडेको छ । र, सिटीले लिभरपुलमाथि २ अंकको अग्रता बनाएको छ । 

एक खेल कम खेलेको लिभरपुलको ६९ अंक छ । पराजित बर्नेमाउथ ३४ अंकसहित १२ औं स्थानमा छ ।