बार्सिलोनाद्वारा रियल पराजित 

एजेन्सी- शनिबार राति भएको स्पेनिस ला लागि फुटबलमा बार्सिलोनाले रियल मड्रिडलाई पराजित गरेको छ । रियलको घरेलु मैदान सान्टियागो बर्नबेउमा भएको खेलमा बार्सिलोनाले रियललाई १-० गोल अन्तरले पराजित गरेको हो ।

एकै सातामा यि दुई टोलीको यो दोस्रो भेट हो । यसअघिको कोपा डेर रे माभएको भेटमा पनि रियल ३-० गोल अन्तरले पराजित भएको थियो । बार्सिलोनाको जितका लाग खेलको एक मात्र निर्णयक गोल ईभान राकिटिकले गरे । 

उनले खेलको २६ औं मिनेटमा गोल गर्दै बार्सिलोनालाई महत्वपूर्ण जित दिलाए ।  उनले सर्जी रोबर्टोको पासमा उत्कृष्ट गोल गरे । बार्सिलोनासँगको यस हार पछि रियलको उपाधि सम्भावना निकै कठिन बनेको छ । 

यता बार्सिलोनाले भने ला लिगमा १० अंकको अग्रता लिन सफल भयो । शीर्ष स्थानमा यथावत रहेको बार्सिलोनाले २६ खेलबाट ६० अंकजोडेको छ । रियलले ४८ अंक सहित तेस्रो स्थानमा छ ।