थ्री स्टारलाई आहा रारा गोल्डकपको उपाधि

पोखरा- रुस्लान थ्री स्टार क्लबले आहा रारा गोल्डकपको उपाधि जितेको छ । शनिबार भएको फाइनल खेलमा त्रिभुवन आर्मी क्लबलाई पराजित गर्दै उण्पाधि जितेको हो । 

सडन डेथमा थ्री स्टारले आर्मीलाई ५-४ ले पराजित गरेको हो । निर्धाति समयको खेलमा १-१ को बराबरी खेले पछि समय थप गरिएको थियो । अतिरिक्त समयमा पनि दुवै टोलीले १-१ गोल गरेपछि खेल पेनाल्टी सुटआउटमा पुगेको थियो ।

खेलमा सुरुवाती अग्रता भने आर्मीले लिएको थियो । आर्मीका लागि टेकबहादुर बुढाथोकीले खेलको पाँचौ मिनेटमा गोल गर्दै सुरुवाती अग्रता दिलाए ।  पहिलो हाफको अन्तिम मिनेटमा रञ्जित धिमालले पेनाल्टीमा गोल गर्दै खेल बराबरीमा ल्याए । 

अतिरिक्त समयको पहिलो हाफमा आर्मीका विमल पाण्डेले गोल गर्दै आर्मीलाई पुनः अग्रता दिलाए । तर दोस्रो हाफमा पिटर सेगुनले गोल गर्दै खेल बराबरीमा ल्याए । 

आर्मीका लागि भरत खवास, जर्जप्रिन्स कार्की, सन्तोष तामाङ र टंक बस्नेतले गोल गरे । थ्री स्टारका रञ्जित धिमाल, रुपेश केसी, विक्रम लामा, अन्नत तामाङ गोल गरेका थिए ।