‘मेस्सी कुनै पनि अवस्थामा खेल परिवर्तन गर्न सक्छन्’ 

एजेन्सी- अर्जेन्टिनी तथा बार्सिलोनाका सुपरस्टार खेलाडी लियोन मेस्सीले मैदानमा खेललाई जुन सुकै अवस्थानमा पनि परिवर्तन गर्न सक्ने रियल मड्रिडका पूर्व स्टार खेलाडी फेर्नान्डो रेडोन्डोले बताएका छन् । 

‘मेस्सीले खेललाई जुन सुकै अवस्थानमा पनि परिवर्तन गर्न सक्दछन् । उनी फुटबलका एक हिरो हुन् ।’ रियलका पूर्व स्टार खेलाडी फेर्नान्डोले भने, ‘मेस्सीले आफ्नो प्रत्येक सिजनमा सबैलाई आकर्षित गरेका छन् ।

जारी सिजन पनि उनले अनौठो प्रदर्शन गरेका छन् ।’ फेर्नान्डोले थपे, ‘उनी त्यो खेलाडी हुन् जसले प्रत्यक क्षणमा अविस्वासनिय प्रदर्शन गर्दछन् । उनले गोल, असिस्ट, लामो तथा छोटो प्रहार, ड्राइभ र क्रस सधै अनौठो तरिकामा गर्न गर्दछन् ।’

 मेस्सीले जारी सिजनमा सबै खाले ३३ खेलमा ३३ गोल गरेका छन् । जहाँ उनले ११ असिस्ट समेत गरेका छन् । उनी सधै जसो बार्सिलोना र ला लिगाका शीर्ष गोल कर्ता समेत हुन् । उनले ला लिगाका मात्र २३ खेलमा २५ गोल गरेका छन् ।