आईसीसी वरियतामा नेपालको छलाङ

एजेन्सी- अन्तर्राष्टिय क्रिकेट काउन्सिल (आईसीसी)को नयाँ महिला टी-२० क्रिकेट वरियतामा नेपालले दुई स्थान सुधार गरेको छ । यसअघि आईसीसी वरियताको १६ औं स्थानमा रहेको नेपालले दुई स्थान सुधार गर्दै १४ औं स्थानमा उक्लिएको हो । 

केहि दिन अघि थाईल्यान्डमा सम्पन्न महिला टी-२० विश्वकप अन्तर्गत एसिया छनोट प्रतियोगितामा सानदार प्रर्दशन गरेपछि नेपालले सुधार गरेको हो । उक्त प्रतियोगितामा नेपालले ६ खेल खेल्दा पाँच खेलमा विजयी र एक खेलमा पराजित भएको थियो । यसअघिको महिला टी-२० स्मासमा पनि नेपाल थाइल्यान्डसँग पराजित भएको थियो । 

नेपाली राष्ट्रिय महिला टोलीले हाल सम्म टी-२० अन्तर्राष्ट्रियका ११ खेल खेलेको छ । ११ वटै खेल नेपालले यसउै बर्ष खेलेको हो । हाल सम्म खेलेका ११ खेल मध्य नेपालले ९ खेलमा जित हात पारेका छ । 

नेपाल टी-२० अन्तर्राष्ट्रियका दुई खेलमा थाइल्यान्डसँग पराजित भएको हो । नेपालले पहिले पहिलो पटक टी-२० अन्तर्राष्ट्रियका चिनसँग १२ जनवरी २०१९ मा खेलेको थियो । 

यसअघि नेपाल १ सय २३ रेटिङ सहित १६ औं स्थानमा थियो । हाल नोपल १ सय २८ रेटिङ सहित १४ औं स्थानमा छ । नयाँ वरियता अनुसार अस्टेलिया शीर्षस्थानमा हुँदा इंग्ल्यान्ड दोस्रो, न्युजिलयान्ड तेस्रो, वेस्ट इन्डिज चौथो र भारत पाँचौ स्थानमा रहेका छन् । वरियतामा थाइल्याण्ड ११ औं स्थानमा छ ।