बार्सिलोना र रियलमा को बलियो?

एजेन्सी- स्पेनिस महारथी क्लबद्वय बार्सिलोना र रियल मड्रिड विश्वभर सबै भन्दा बढी समर्थक भएका क्लब हुन् । सायद यसैले पनि होला जब बार्सिलोना र रियल मैदानमा उक्रिन्छन् तब फुटबल प्रेमिहरुलाई विश्वकप जस्तै आभास हुन्छ । 

यी दुबै क्लब एक आपसमा आमने सामने हुँदा मैदानमा खेलाडी मात्र हैन्, रंगशालामा बसेका दर्शक, समर्थक तथा विश्वका कुनै पनि स्थानमा रहेर खेल हेरी रहेका समर्थकहरुबिच भिड्न्त हुन्छ । 

त्यस्तैले पनि बार्सिलोना र रियलबिचको खेलालाई विश्वभर निकै चाखलाग्दो रुपमा हेरिएको पाइन्छ । त्यसैले पनि बार्सिलोना र रियलमा को बलियो ? भन्ने धेरैलाई चासोको बिषय बन्ने गर्दछ । समर्थकहरुले आ-फ्नो टोलीलाई बलियो भने पनि आधिकारिक तथ्यमा कुन टोली बलियो छ त । 

हेड टु हेड

बार्सिलोना र रियल हालसम्म सबै खाले आधिकारिक २ सय ४१ खेलमा आमने सामने भएका छन् । त्यस्तै ३४ पटक मैत्रिपूर्ण र अन्य खेलमा आमने सामने भए । हाल सम्म खेलेका २ सय ४१ खेलमा दुबै टोलीले समान ९५-९५ खेले जितेका छन् । त्यस्तै ५१ खेल भने बरारी खेलेका छन् । 

दुबै टोलीले १ सय ७८ पटक ला लिगामा आमने सामने हुँदा रियल ७२ र बार्सिलोना ७१ पटक विजयी भएका छन् । जहाँ ३५ खेलमा बराबरी खेले । त्यस्तै केपा डेल’रेमा ३६ पटक भिड्दा १२ खेलमा रियल र १६ खेलमा बार्सिलोना विजयी भएको छ भने ८ खेल बराबरी खेलेका छन् ।

उपाधि विजेता

बार्सिलोनाले ला लिगको जारी सिजनमा सबै क्लबलाई पछाडी पार्दै लिगको अंक तालिकाको शीर्ष स्थानमा छ । यसबर्ष बार्सिलोना ला लिगा उपाधिको दाबेदार टोली हो । तर, हाल सम्म सबै भन्दा बढी ला लिगाको उपाधि रियलले जितेको छ । 

रियलले ला लिगाको यउपाधि सर्वाधिक ३३ पटक जितेको छ भने बार्सिलोनाले २५ पटक उपाधि उचालेको छ । तर, यता कोपा डेल रेमा भने बार्सिलोनाले सर्वाधिक ३० पटक उपाधि जितेको छ । 

त्यस्तै रियलले १९ पटक कोपा डेल रेको उपाधि उचालेको छ । समग्रहमा सबै खाले प्रतियोगितामा भने बार्सिलोनाले सर्वाधिक उपाधि उचालेको छ । बार्सिलोनाले ९४ प्रतियोगिताको उपाधि उचाल्दा रियलले भने ८५ उपाधि उचालेको छ ।

व्यक्तिगत प्रतिस्पर्धा

पछिल्लो समय विश्व फुटबलमा क्रिस्टियानो रोनाल्डो र लियोनल मेस्सीको निकै प्रतिस्पर्धा खेदिन्छ । विश्व फुटबलमा प्रदान गरिने हरेक अवार्डमा मेस्सी र रोनाल्डोको प्रतिस्पर्धाको चर्चा चल्छ । 

दुबै खेलाडीले विशव फुटबलको चर्चित अवार्ड बालोन डि’ओर समान पाँच पाँच पटक जितेका छन् । तर, पछिल्ला दुई बर्ष मेस्सीले उक्त अवार्ड जित्न सकेका छैनन् । २०१७ को बालोन डि’ओर रोनाल्डोले जितेका थिए भने २०१८ को बालोन डि’ओर रियलकै लुका मोड्रिचले जितेका थिए । 

क्लबका विभिन्न खेलाडी गरि दुबै क्लबका खेलाडीले समग्रहमा बालोन डि’ओर समान ११-११ पटक जितेका छन् ।