मकवानपुर गोल्डकपलाई भुगर्भ सिमेन्टको साथ

काठमाडौं- दोस्रो संस्करणको सहिद स्मृति मकवानपुर गोल्डकप फुटबललाई भुगर्भ सिमेन्टको मुख्य प्रायोजन रहने भएको छ । मंगलबार एक कार्यक्रमको आयोजना गर्दै प्रतियोगितालाई भुगर्भ सिमेन्टको मुख्य प्रायोजन रहेको बताएइको हो । 

मुख्य प्रयोजन पत्रमा आयोजक मकवानपुर जिल्ला फुटबल संघका अध्यक्ष टिका राम लामा र भुगर्भ सिमेन्ट उधोगका अध्यक्ष पिताम्बर गैरेले हस्ताक्षर गरे । सम्झौतासंगै सिमेन्टले प्रतियोगिताका लागि भ्याट बाहेक १० लाख उपलब्ध गराउने छ । १० देखि १२ टोलीको सहभागिता रहन उक्त प्रतियोगिता फागुन २९ देखि चैत ९ गतेसम्म संचालन हुने छ । 

प्रतियोगितामा अहिलेसम्म मनाङ मस्र्याङदी, आयोजक नवजागृति क्लब, त्रिभुवन आर्मी क्लब, थ्री स्टार क्लब, हिमालयन शेर्पा, नेपाल पुलिस क्लब, एपीएफ क्लब, च्यासल युथ क्लब, संकटा क्लब, एआरटी र सरस्वती युथ क्लबले प्रतिस्पर्धा गर्ने पक्का भएको संघका अध्यक्ष लामाले जानकारी दिए ।

प्रतियोगिताको विजेताले ८ लाख तथा उपविजेताले ४ लाख पाउने छ । यस्तै सर्वोकृष्ट खेलाडीले ५० हजार, विधागत उत्कृष्ट हुनेले २० हजार र म्यान अफ दि म्याचले १० हजार पाउने छन् ।