अत्तरियाले दियो काठमाडौंलाई १११ रनको लक्ष्य

धनगढी- सिवाइसी अत्तरियाले काठमाडौं गोल्डेन्सलाई फाइनल प्रवेशका लागि १ सय ११ रनको लक्ष्य सुम्पेको छ । डिपिएलको पहिलो क्यालिफायर खेलमा अत्तरियाले निर्धारित २० ओभर खेल्दै ८ विकेटको क्षतीमा १ सय ११ रनको लक्ष्य सुम्पेको हो । 

टस जितेर पहिले ब्याटिङ गर्ने निर्णय गरेको अत्तरियाका लागि कप्तान दिपेन्द्र सिंह ऐरीले रसर्वाधिक ३३ रन जोडे । उनले ३४ बलको सामना गर्दै ५ चौका प्रहार गरे । त्यस्तै सन्नी पटेलले २८ रन जोडे । उनले २४ बलमा १ चौका र २ छक्का प्रहार गर्दै २८ रन जोडेका हुन् । सुबेन्दु पाण्डेय १६, जयकिसन कोल्सावालाले १३, जितेन्द्र सिंह कार्की ६, सन्दीप जोरा ३ रनमा आउट भए ।

काठमाडौंका लागि अंकित दवास र सूर्य तामाङले समान दुई दुई विकेट लिए । त्यस्तै योगेन्द्र सिंह कार्की र रिसद खानले एक एक विकेट लिए ।