काठमाडौंले दियो रुपन्देहीलाई १३४ रनको लक्ष्य

धनगढी- दुई खेल अगावै धनगढी प्रिमियर लिगको प्ले-अफमा पुगिसकेको कठमाडौं गोल्डेन्सले रुपन्देही च्यालेन्जर्सलाई जितका लागि १ सय ३४ रनको लक्ष्य सुम्पेको छ । टस जितेर पहिले ब्याटिङ गर्ने निर्णय गरेको काठमाडौंले निर्धारित २० ओभरमा ७ विकेट गुमाउँदै १ सय ३३ रन जोडेको हो । 

काठमाडौंका लागि अंकित दवासले सर्वाधिक ४३ रन जोडे । उनले ४० बल खेल्दै १ चौका र ३ छक्काको मद्दतमा ४३ रन जोडेका हुन् । अनिल कुमार साहले २३ रन जोडे । उनले २६ बल खेल्दै दुई चौका र एक छक्का प्रहार गरे । 

योगेन्द्रसिंह कार्की १३, ज्ञानेन्द्र मल्ल १२ रन, मेहबुब आलम ११, गौरभ तामोर ८ रनमा आउट भए । रसिद खान १४ रन र नन्दन कुमार यावद शुन्य रनमा अविजित रहे ।

रुपन्देहीका लागि अनिल खरेल, बिक्रम सोब र पुनित मेहराले दुई दुई तथा ललितसिंह भण्डारीले एक विकेट लिए ।