रोनाल्डो र डिबालाले किन एक अर्काको सेलिब्रेसन गरे?

एजेन्सी- शुक्रबार राति फ्रोसिनोनीविरुद्ध भएको खेलमा युभेन्ट्सका स्ट्राइकर पाउलो डिबालाले जारी सिजनको सिरी ‘ए’मा आफ्नो तेस्रो गोल गरे । जारी सिजनमा लय बाहिर रहेका अर्जेन्टिनी स्ट्राइकर डिबालाले फ्रोसिनोनीविरुद्धको खेलमा सुरुवाती छैटौं मिनेटमा नै गोल गर्दै टोलीलाई सुरुवाती अग्रता दिलाए । 

उनले पोर्चुगिज स्टार खेलाडी क्रिस्टियानो रोनाल्डोको पासमा गोल गर्दै जारी सिजनमा आफ्नो तेस्रो गोल पुरा गरेका थिए । डिबालाले फ्रोसिनोनीविरुद्ध पहिलो गोल गर्दा रोनाल्डोको सेलिब्रेसन गरे । 

उनले गोल गरे पछि रोनाल्डोको ‘राइट हियर, राइट नाउँ’ सेलिब्रेसन गरेका हुन् । अन्तर्राष्ट्रिाय सञ्चार मध्यमका अनुसार उक्त गोल रोनाल्डो स्वयमले नै गर्न सक्थे । तर, रोनाल्डोले लय बिहिन भएका डिबालाई पास दिँदै उनलाई लयमा फर्काउने प्रयास गरेको बताइएको छ । 

फ्रोसिनोनीविरुद्ध खेलमा युभेन्ट्सले ३-० ले जित दर्ता गर्दा अन्तीम गोल रोनाल्डोले गरेका थिए । रोनाल्डोले गोल गर्दै डिबालाको सेलिब्रेसन गरे । उनले डिबालाको ‘टे«ड मार्क’ सेलिब्रेसन गरेका थिए । सोहि खेलमा रोनाल्डोले गोल गर्दै डेबालालाई हौसला प्रदान गर्न उनको सेलिब्रेसन गरेको बताईएको छ ।