एट्लेटिको मड्रिड ला लिगाको दोस्रो स्थानमा 

एजेन्सी- एट्लेटिको मड्रिड स्पेनिस ला लिगा फुटबलको दोस्रो स्थानमा उक्लिएको छ । शनिबार राति भएको खेलमा रायो भालेकानोलाई १-० गोल अन्तरले पराजित गर्दै दोस्रो स्थानमा उक्लिएको हो । 

पहिलो हाफ गोल रहित बराबरी खेलेको खेलको दोस्रो हाफमा मात्र उक्त गोल सम्मभव भएको थियो । एट्लेटिकोको जितका लागि खेलको एक मात्र निर्णाय गोल एन्टोनी ग्रिजम्यानले गरे । 

उनले खेलको ७४ औ मिनेटमा गरेको गोल नै एट्लेटिकोका लागि पर्याप्त बन्यो । पछिल्लो तीन खेलमा एट्लेटिकाको यो पहिलो जित हो । रियल बेटिस र रियल मड्रिडसँग गत महिना पराजित भएपछि एट्लेटिकोले अंक जोड्न सकेको थिएन । 

यसजितसँगै एट्लेटिकोले २४ खेलबाट ४७ अंक जोड्दै दोस्रो स्थानमा उक्लिएको छ । रियल ४५ अंक सहित तेस्रो स्थानमा छ । रियलले एक खेल कम खेलेको छ ।